I dashur Kryetar, (shpresoj të jesh mirë)
Qyteti nuk pi më smoothie dhe unë po nis të dyshoj se kemi të bëjmë me një komplot… Qyteti është në kaos frutash. Kam kontrolluar në çdo qoshe, madje edhe tek ajo kafe ‘hipster’ që bënte smoothie me avokado e xhenxhefil — asgjë!
Më thonë se dikush ka monopolizuar gjithë tregun e frutave dhe është duke bërë disa eksperimente në një bunker, fillimisht me avokado dhe gjethe kale!
Nëse qyteti vazhdon pa smoothie, është skandal, sepse pa smoothie jeta është si Facebook pa “Like” — thjesht e ngrirë në vend!
Edhe lagja jonë është në krizë identiteti. Pasi ti u largove, nuk është hapur më asnjë kafene e re me emër anglisht
si “Coffee Therapy”, “Hë ma hhëëë” apo “Barista Gone Wild”.
Qyteti ka filluar të pijë… kafe turke, dhe disa thonë që kjo është “rikthim në origjinë”.
Unë them që është fillimi i fundit. Nje bar i ri eshte hapur “Bar cibuku”
Pra, o Kryetar, të lutem — bëj një magji, na riktheni smoothie-t, sepse jeta pa to është si politikani pa fjalë… bosh!
Për ju në terren,
Sulo Shteti
